အင်တာမီလန်နဲ့အတွေ့ ဆန်စီရိုမှာ ရိုးမား စံချိန်သစ်ရေးထိုးခဲ့

ရှုံးပွဲမရှိသေးတဲ့ အသင်းနဲ့ ရာနှုန်းပြည့် အနိုင်ရထားတဲ့အသင်းတို့ရဲ့ ပွဲစဉ်လို့ညွန်းဆိုရမယ့် အင်တာမီလန်-ရိုးမားတို့ရဲ့ပွဲစဉ်ဟာ ကျွန်တော်တို့ ထင်မှတ်ထားခဲ့သလောက်ရင်သပ်ရူမောစရာတွေ မပေးစွမ်းနိုင်ခဲ့ပါဘူး။ ဘာကြောင့်လဲဆိုတော့ ရိုးမားကပထမပိုင်းမှာတင် (၃)ဂိုးပြတ် အနိုင်ရခဲ့ပြီး အင်တာကစားကွက်ကလည်း ချေပဂိုးပြန်သွင်းနိုင်မယ်လို့ ယုံကြည်နိုင်စရာမရှိခဲ့လို့ပါပဲ။ ကြံ့ခိုင်မှုအပြည့်မရနိုင်လို့ ပီဂျာနစ်(တင်ပါးဒဏ်ရာရခဲ့)မပါဝင်နိုင်တဲ့ ရိုးမားတိုက်စစ်ပိုင်းဟာ တော့တီ၊ ဂါဗင်ဟို၊ ဖလော်ရန်ဇီတို့နဲ့ ပွဲထွက်လာခဲ့ပြီး အင်တာကတော့ အယ်ဗာရက်ဇ်၊ ပလာစီယို၊ ပါရဲရားတို့ကို အသုံးပြုခဲ့ပါတယ်။


ဒါပေမဲ့ ပွဲအစ (၁၈)မိနစ်မှာပဲ ဂါဗင်ဟို တည်ပေးတဲ့ ဘောလုံးကို တော့တီ ကန်ချက်ပြင်းပြင်းနဲ့ မြေလှိမ့်ဘောကန်သွင်းခဲ့ရာမှာတော့ ရိုးမားတော့ အဖွင့်ဂိုးစရခဲ့ပြီး ဒီကစားသမားဟာ ပွဲချိန်မိနစ်(၄၀)မှာလည်း ဂါဗင်ဟိုကြောင့်ရတဲ့ ပင်နယ်တီကနေ ဒုတိယဂိုး ထပ်သွင်းနိုင်ခဲ့ပါတယ်။ ဒီအတွက်ကြောင့် တော့တီဟာ အင်တာနဲ့ ကစားတဲ့ ပွဲစဉ်တွေမှာ (၁၀)ဂိုးထိ သွင်းယူနိုင်ခဲ့ပြီး ပထမပိုင်းပြီးဆုံးဖို့ (၁)မိနစ် အလိုမှာတော့ ဖလော်ရန်ဇီက ရိုးမားအတွက် တတိယအနိုင်ဂိုး သွင်းပေးနိုင်ခဲ့ပါတယ်။ ဒုတိယပိုင်းမှာတော့ ရိုးမားနောက်ခံလူ ဘာရက်တီ နှစ်ဝါ၊ တစ်နီနဲ့ ထုတ်ပယ်ခံခဲ့ရပြီး တစ်ယောက်အသာရခဲ့ပေမယ့် (၃)ဂိုးပြန်ချေပဖို့အတွက် အင်တာတို့ မတတ်နိုင်ခဲ့ပါဘူး။

အခုပွဲမှာ အနိုင်ရခဲ့တဲ့အတွက် ရိုးမားဟာ စီးရီးအေအဖွင့်ပွဲ(၇)ပွဲဆက် အနိုင်ရခဲ့တဲ့ ပထမဆုံး စီးရီးအေအသင်းဖြစ်လာခဲ့ပြီး (၁၉၆၇)ခုနှစ်မှာ အင်တာမီလန်ရဲ့ စီးရီးအေ(၆)ပွဲဆက် အနိုင်ရတဲ့ စံချိန်ကိုလည်း ချိုးဖျက်နိုင်ခဲ့ပါတယ်။ (ကျွန်တော် ရှာဖွေရသမျှ အချက်အလက်တွေကို ကိုးကားပါတယ်။ အမှားအယွင်းရှိခဲ့ရင် ထောက်ပြကြပါဦးဗျာ)။

http://yoyarlay.com/sport/football/38260-2013-10-06-00-47-50
ဇော်ထွန်း(ရိုးရာလေး)

Share on Google Plus

About Myanmar Memes

Copy Myanmar is myanmar content database. Collection of posts, news, images and content in Myanmar language found on World Wide Web.